Калядная сустрэча

Подробности

Опубликовано 09.01.2025 12:03

Калядная сустрэча адбылася ў аддзяленні сацыяльнай рэабілітацыі, абілітацыі інвалідаў Тэрытарыяльнага цэнтра сацыяльнага абслугоўвання насельніцтва Браслаўскага раёна.
Ксёндз пробашч Станіслаў разам з сёстрамі Эўхарысткамі, валанцёрамі завіталі ў аддзяленне, каб разам адсвяткаваць Божае Нараджэнне.
Пасля ўступнай малітвы, удзельнікі і госці сустрэчы, дзелячыся аплаткай, мелі магчымасць выказаць цёплыя словы віншавання.
Потым усіх чакаў сюрпрыз. Нечаканыя госці: зорка, вярблюд і мудрэц з Усходу прынеслі падарункі.
У забаўляльнай форме кожны ўдзельнік сустрэчы атрымаў пачастунак і тэматычныя пажаданні-заданні, як годна наследаваць Божае Дзіцятка.
Інваліды аддзялення таксама аддзячылі гасцям падарункамі- сувенірамі, зробленымі ўласнымі рукамі.
Сустрэча падаравала шмат радасці, уражанняў і цёплых момантаў.